Муовини вазири корҳои хориҷӣ нусхаи эътимодномаи Сафири Шоҳигарии Таиландро қабул кард
13.06.2022 18:37
13 июни соли 2022 Муовини вазири корҳои хориҷӣ Фарҳод Салим нусхаи эътимодномаи Сафири Фавқулода ва Мухтори Шоҳигарии Таиланд дар Ҷумҳурии Тоҷикистон Чачаван Сакорнсинро қабул намуд.
Зимни вохӯрӣ дурнамои рушди муносибатҳои Тоҷикистону Таиланд ва истифодаи иқтидори ҳамкориҳо дар самтҳои мухталифи судманд бахусус иқтисодӣ ва сайёҳӣ баррасӣ гардиданд.
Муовини вазири корҳои хориҷӣ ҷаноби Чачаван Сакорнсинро ба муносибати таъйин шуданаш ба ин вазифа табрик намуда, дар рисолати дипломатияш комёбиҳо таманно намуд.
