Мулоқоти вазири корҳои хориҷии Тоҷикистон бо вазири корҳои хориҷӣ ва тиҷорати Маҷористон

24 марти соли 2023 дар Ню-Йорк дар ҳошияи Конфронси оби Созмони Милали Муттаҳид-2023 вазири корҳои хориҷии Ҷумҳурии Тоҷикистон Сироҷиддин Муҳриддин бо вазири корҳои хориҷӣ ва тиҷорати Маҷористон Петер Сийярто мулоқот намуд.

Дар рафти вохӯрӣ таҳкими ҳамкориҳои дуҷониба дар соҳаҳои мухталиф, аз ҷумла дастгирии иқдомҳои ду кишвар дар доираи созмонҳои байналмилалию минтақавӣ ва мубориза бо чолишҳои марбут ба тағйирёбии иқлим баррасӣ шуд.

Ҷонибҳо ҳамчунин дар робита ба масъалаҳои рӯзномаи ҷаҳонии об ва татбиқи муассири Даҳсолаи байналмилалии амал “Об барои рушди устувор, 2018-2028” табодули назар намуданд.