Вохӯрии вазири корҳои хориҷии Тоҷикистон бо узви Шӯрои давлатӣ, Вазири корҳои хориҷии Чин

13 апрели соли 2023 дар шаҳри Самарқанд дар ҳошияи 4-умин Вохӯрии вазирони корҳои хориҷии кишварҳои ҳаммарз бо Афғонистон  вохӯрии вазири корҳои хориҷии Ҷумҳурии Тоҷикистон Сироҷиддин Муҳриддин бо узви Шӯрои давлатӣ, вазири корҳои хориҷии Ҷумҳурии Мардумии Чин Тсин Ган баргузор гардид.

Дар ҷарёни мулоқот маҷмуи масъалаҳои мубрами ҳамкориҳои дуҷониба, масоили байналмилалӣ ва минтақавӣ мавриди баррасии тарафайн қарор доштанд.

Ҷонибҳо ҳамчунин раванди омодагиҳо ба мулоқотҳои дарпешистодаи сатҳи олиро муҳокима намуданд.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan