Иштироки вазири корҳои хориҷии Ҷумҳурии Тоҷикистон дар мулоқоти вазирони корҳои хориҷии Муколамаи ҳамкории Осиё (ACD)

20 сентябри соли 2023 дар ҳошияи иҷлоси 78-уми Маҷмаи Умумии Созмони Милали Муттаҳид вазири корҳои хориҷии Ҷумҳурии Тоҷикистон Сироҷиддин Муҳриддин дар мулоқоти вазирони корҳои хориҷии Муколамаи ҳамкории Осиё (ACD) ширкат варзид.

Зимни суханронии худ С. Муҳриддин ба зарурати сармоягузорӣ ба эҳёи устувори иқтисод, дастгирии тиҷорат, таъмини ҳамлу нақли борҳои зарурӣ, бахусус озуқа ва доруворӣ, ҳифзи муҳити зист, мутобиқшавӣ ба тағйирёбии иқлим ва мусоидат намудан ба гузариш ба иқтисоди сабз таъкид кард.

Вазири корҳои хориҷии Тоҷикистон дар поёни суханронии худ аз кишварҳои ACD ҷиҳати иштироки фаъол дар Конфронси сеюми Душанбе оид ба татбиқи Даҳсолаи байналмилалии амал «Об барои рушди устувор, 2018-2028», ки моҳи июни соли 2024 баргузор мегардад, даъват ба амал овард.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan