Машваратҳои сиёсӣ миёни Тоҷикистон ва Финляндия

25-уми октябри соли 2023 даври навбатии машваратҳои сиёсӣ миёни вазоратҳои корҳои хориҷии Ҷумҳурии Тоҷикистон ва Ҷумҳурии Финляндия таҳти роҳбарии муовини вазири корҳои хориҷии Тоҷикистон Фарҳод Салим ва Мария Лиивала, директори генералии департаменти Русия, Аврупои Шарқӣ ва Осиёи Марказии Вазорати корҳои хориҷии Финландия тариқи маҷозӣ баргузор шуд.

Дар ройзаниҳо масъалаҳои марбут ба ҳолати кунунӣ ва дурнамои таҳкими ҳамкориҳо миёни ду кишвар дар соҳаҳои сиёсӣ, иқтисодӣ, башардӯстона, илму маориф, ҳамкориҳо дар чаҳорчӯби созмонҳои байналмилаливу минтақавӣ ва дигар мавзуъҳои мавриди эҳтимоми муштарак баррасӣ шуданд.

Омодагӣ ва рағбати ҷонибҳо ба густариши бештари муносибатҳои дӯстӣ ва ҳамкорӣ байни ду кишвар дар ҳамаи соҳаҳои мутақобилан муфид изҳор гардид.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan