Муносибатҳои Тоҷикистон бо Зеландияи Нав
Муносибатҳои дипломатӣ байни Ҷумҳурии Тоҷикистон ва Зеландияи Нав моҳи августи соли 1992 барқарор гардидаанд, ки заминаи мусоид барои тавсеаи ҳамкориҳои дуҷониба дар соҳаҳои гуногун фароҳам овардааст.
Сафорати Зеландияи Нав дар Ҷумҳурии Тоҷикистон бо иқомат дар шаҳри Москва фаъолият менамояд.
Аз 9 марти соли 2023, хонум Сара Уолш ҳамчун сафири фавқулодда ва мухтори Зеландияи Нав дар Ҷумҳурии Тоҷикистон фаъолияти худро оғоз намудааст.
Аз 8 то 9 июли соли 2013, сафари расмии вазири корҳои хориҷии Ҷумҳурии Тоҷикистон ба Зеландияи Нав сурат гирифт. Дар доираи ин сафари муҳим, мулоқот бо вазири корҳои хориҷӣ ва тиҷорати Зеландияи Нав, ҷаноби Ҷеймс Болҷер, инчунин бо роҳбари Ташкилоти давлатии NZTE (New Zealand Trade and Enterprise) баргузор гардид, ки дар он ҷонибҳо масоили рушди ҳамкориҳои тиҷоратӣ ва иқтисодиро мавриди баррасӣ қарор доданд.
Аз 12 то 14 сентябри соли 2013, намояндаи махсуси Сарвазири Зеландияи Нав бо сафари корӣ ба Ҷумҳурии Тоҷикистон ташриф овард. Дар ҷараёни ин сафар, номбурда бо муовини вазири корҳои хориҷӣ, муовини вазири захираҳои об ва дигар шахсони расмии Ҷумҳурии Тоҷикистон мулоқот анҷом дод.
Бо мақсади таҳкими ҳамкориҳои дуҷониба, байни Тоҷикистону Зеландияи Нав Изҳороти муштарак ба имзо расидааст, ки дар он ҷонибҳо самтҳои афзалиятноки ҳамкориро дар соҳаҳои гуногун муайян намудаанд.
Гардиши савдо байни Ҷумҳурии Тоҷикистон ва Зеландияи Нав дар соли 2024 211,8 ҳазор доллари ШМА-ро ташкил дод.
02.03.2025
