Вохӯрӣ бо Вазири корҳои хориҷӣ ва тиҷорати Маҷористон
27.09.2019 11:14
26 сентябри соли 2019 дар ҳошияи иҷлоси 74-уми Маҷмаи Умумии СММ Вазири корҳои хориҷӣ Сироҷиддин Муҳриддин бо Вазири корҳои хориҷӣ ва тиҷорати Маҷористон Петер Сзийярто мулоқот намуд.
Дар ҷараёни мулоқот ду ҷониб роҳҳои густариши ҳамкориҳои дуҷонибаи иқтисодӣ, тиҷоратӣ, сайёҳӣ ва илмиро муҳокима намуданд. Инчунин вобаста ба масъалаҳои амнияти байналмилалӣ ва минтақавӣ табодули афкор сурат гирифт.
Дар поёни вохӯрӣ санадҳои дуҷонибаи зерин ба имзо расиданд:
- Созишнома байни Ҳукумати Ҷумҳурии Тоҷикистон ва Ҳукумати Маҷористон оид ба ҳамкории иқтисодӣ;
- Барномаи ҳамкорӣ дар соҳаи маориф байни Вазорати маориф ва илми Ҷумҳурии Тоҷикистон ва Вазоратҳои корҳои хориҷӣ ва тиҷорат, захираҳои инсонӣ ва навоварӣ ва фанноварии Маҷористон барои солҳои 2019-2020.
