Мулоқот бо Намояндаи хоси Вазири Аврупо ва корҳои хориҷии Фаронса
05.03.2020 09:48
4 марти 2020 Вазири корҳои хориҷии Ҷумҳурии Тоҷикистон Сироҷиддин Муҳриддин Намояндаи хоси Вазири Аврупо ва корҳои хориҷии Фаронса доир ба масъалаҳои дипломатияи иқтисодӣ бо кишварҳои Осиёи Марказӣ ҷаноби Паскал Лороро ба ҳузур пазируфт.
Дар мулоқот масъалаҳои тавсеаи муносибатҳои дуҷониба дар заминаҳои гуногун, аз ҷумла натиҷаҳои сафари расмии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Фаронса 7-12 ноябри соли 2019 баррасӣ шуда, пиромуни ҳамкории Тоҷикистону Фаронса дар чаҳорчӯби созмонҳои минтақавӣ ва байналмилалӣ табодули афкор сурат гирифт.
