Мулоқот бо Кордори Сафорати Шоҳигарии Арабистони Саудӣ
14.12.2015 17:42
14 декабри соли 2015 Вазири корҳои хориҷии Ҷумҳурии Тоҷикистон Сироҷидин Аслов Кордори Сафорати Шоҳигарии Арабистони Саудӣ дар Ҷумҳурии Тоҷикистон Ҳамза Бахит ал-Ҳарбиро ба ҳузур пазируфт.
Зимни суҳбат масъалаҳои мубрами муносибатҳои дуҷониба ва дурнамои тавсеаи ҳамкориҳои Ҷумҳурии Тоҷикистон ва Шоҳигарии Арабистони Саудӣ дар арсаҳои мухталиф баррасӣ шуданд.
Ҳамчунин дар робита ба такмили пояи қарордодию ҳуқуқии ҳамкориҳои дуҷониба табодули назари судманд сурат гирифт.
