Мулоқот бо Муовини котиби давлатии ШМА
05.08.2016 03:14
4 августи соли 2016 дар доираи сафари Вазири корҳои хориҷии Ҷумҳурии Тоҷикистон ба Вашингтон ҷиҳати иштирок дар ҷаласаи вазирони корҳои хориҷии С5+1 мулоқоти Сироҷидин Аслов бо Муовини котиби давлатии ШМА Энтони Блинкен баргузор гардид.
Зимни мулоқот доираи васеъи ҳамкориҳои дуҷониба ва инчунин натиҷаи мулоқоти вазирони корҳои хориҷии сиғаи С5+1 мавриди муҳокима қарор гирифт.
Ҷонибҳо натиҷаи мулоқоти вазирони С5+1-ро дар Вашингтон мусбат арзёбӣ намуда, аҳамияти баррасии масъалаҳои иқтисодӣ, амниятӣ ва муҳити зистро дар ҳамкориҳои дуҷониба ва бисёрҷониба таъкид намуданд.
