Таҷлили Рӯзи Истиқлолият ва 30-солагии Конститутсия дар намояндагиҳои дипломатии Ҷумҳурии Тоҷикистон

24 сентябри соли 2024 дар ш. Боку пазироии расмии дипломатӣ ба муносибати 33-юмин солгарди Истиқлоли давлатии Ҷумҳурии Тоҷикистон баргузор гардид, ки дар он роҳбарон ва намояндагони мақомоти давлатӣ ва Парлумони Ҷумҳурии Озарбойҷон, корпуси дипломатии муқими Озарбойҷон, созмонҳои ҷамъиятӣ ва аҳли илму ҳунар ва адаб ва доираи соҳибкорони кишвари иқомат, инчунин ҳамватанон ширкат варзиданд.

Сафири фавқулода ва мухтори Ҷумҳурии Тоҷикистон дар Ҷумҳурии Озарбойҷон Илҳом Абдураҳмон зимни сухаронии худ оид ба рушди кишвар ва дастовардҳои он дар давраи Истиқлолияти давлатӣ сухан ронда, нақши асосӣ ва муассири Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар ин раванди тақдирсози давлатдории тоҷикон қайд намуд. Зимнан густариши муносибатҳои байналмилалӣ ва афзоиши нуфузу эътибори Тоҷикистони соҳибистиқлол дар арсаи ҷаҳонӣ ва рушди бемайлони равобити дустона ва ҳамкориҳои судманди кишварамон бо Ҷумҳурии Озарбойҷон таъкид гардид.

Ҳамчунин дар шаҳри Риёзи Подшоҳии Арабистони Саудӣ ба ифтихори 33-юмин солгарди Рӯзи Истиқлолият ва 30-юмин солгарди қабули Конститутсияи Ҷумҳурии Тоҷикистон чорабинии идона баргузор гардид. Дар чорабинии мазкур намояндагони воломақоми Ҳукумати Подшоҳии Арабистони Саудӣ, аъзои корпуси дипломатии муқими Риёз, намояндагони доираҳои расмию корӣ ва васоити ахбори омма, инчунин ҳамватанони тоҷикистонии муқими Арабистони Саудӣ ширкат варзиданд.

Сафири фавқулода ва мухтори Ҷумҳурии Тоҷикистон дар Подшоҳии Арабистони Саудӣ Акрам Каримӣ дар паёми шодбошии худ дар бораи дастовардҳои даврони Истиқлолият сухан гуфта, таъкид кард, ки имрӯз Тоҷикистон таҳти роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар роҳи ҳифзи истиқлол ва соҳибихтиёрӣ, таҳкими асосҳои давлати демкоративу ҳуқуқбунёд ва татбиқи стратегияҳо ва ҳадафҳои авлавиятноки худ қадамҳои устувор мениҳад.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan