Мулоқот бо Президенти Бонки исломии рушд
25 августи соли 2016 Сафири Фавқулодда ва Мухтори Ҷумҳурии Тоҷикистон дар Шоҳигарии Арабистони Саудӣ Заробиддин Қосимӣ бо Президенти Бонки исломии рушд Аҳмад Муҳаммад Алӣ дар шаҳри Ҷидда мулоқот намуд.
Заробиддин Қосимӣ салому дуруди Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба Аҳмад Муҳаммад Алӣ ироа дошта, ба ӯ ҳамзамон даъватномаи Ҳукумати Ҷумҳурии Тоҷикистонро барои иштирок дар Форуми байналмилалии соҳибкории Душанбе-2016 тақдим намуд.
Зимни мулоқот ҳамчунин доир ба татбиқи натиҷаҳои мулоқоти Президенти Ҷумҳурии Тоҷикистон муҳтарам Эмомалӣ Раҳмон бо Президенти Бонки исломии рушд Аҳмад Муҳаммад Алӣ, ки чанде пеш дар Ҷакарта, пойтахти Индонезия сурат гирифта буд, гуфтугӯи судманд доир гардид.
Таваҷҷуҳи зиёд ба рафти маблағгузории лоиҳаҳои амалишаванда, аз ҷумла лоиҳаи навсозии роҳи мошингарди Кӯлоб-Қалъаи Хумб низ зоҳир гардид.
Аҳмад Муҳаммад Алӣ таъкид дошт, ки барои дастгирии доимии пешрафту тараққиёти Тоҷикистон Бонки исломии рушд аз тамоми имконоти мавҷуда истифода хоҳад кард, аз ҷумла барои маблағгузории лоиҳаҳои нави пешниҳоднамудаи Ҳукумати Ҷумҳурии Тоҷикистон.
