Машваратҳои сиёсӣ миёни вазоратҳои корҳои хориҷии Ҷумҳурии Тоҷикистон ва Арабистони Саудӣ

20 ноябри соли 2024 дар шаҳри Риёз даври сеюми машваратҳои сиёсӣ миёни вазоратҳои корҳои хориҷии Ҷумҳурии Тоҷикистон ва Подшоҳии Арабистони Саудӣ таҳти роҳбарии муовини вазири корҳои хориҷии Ҷумҳурии Тоҷикистон Фаррух Шарифзода ва муовини якуми вазири корҳои хориҷии Подшоҳии Арабистони Саудӣ Валид ибни Абдулкарим Ал-Хурайҷӣ баргузор гардид.

Зимни нишаст ҷонибҳо вобаста ба ҳолати кунунӣ ва дурнамои густариши ҳамкориҳои мутақобилан судманди Тоҷикистону Арабистони Саудӣ дар заминаҳои сиёсӣ, иқтисодию тиҷоратӣ, сармоягузорӣ, илму фарҳанг ва амниятӣ табодули афкори созанда анҷом доданд.

Ҳамчунин робитаҳои шарикӣ дар доираи созмонҳои байналмилалию минтақавӣ дар меҳвари гуфтугӯи ҷонибҳо қарор дошт.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan