Мулоқоти Вазири корҳои хориҷӣ бо Сафири Британияи Кабир
03.03.2014 13:00
3 марти соли 2014 вохӯрии Вазири корҳои хориҷӣ Сироҷидин Аслов бо Сафири Британияи Кабир дар Душанбе ҷ-би Робин Орд Смит барпо гардид. Дар мулоқот Сардори Департамент оид ба рушди байналмилалии Британияи Кабир дар Тоҷикистон ҷ-би Боб Леверингтон низ ширкат варзид.
Зимни мулоқот ҷонибҳо масъалаҳои ҳамкории дуҷониба ва бисёрҷониба дар самтҳои мухталиф, аз ҷумла ҳамкорӣ дар чорчӯбаи ташкилотҳои байналмилалиро мавриди баррасӣ қарор доданд. Дар рафти вохӯрӣ Сафир Орд-Смит ба Вазир Аслов даъватномаро барои барпо намудани сафари корӣ ба Британияи Кабир пешниҳод намуд.
