17 майи 2019 дар Душанбе дар остонаи Конфронси байналмилалии сатҳи баланд “Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷинояткории муташаккил” мулоқоти Вазири корҳои хориҷии Ҷумҳурии Тоҷикистон Сироҷиддин Мухриддин бо Муовини вазири корҳои хориҷии Ҷумҳурии Беларус Андрей Дапкиунас баргузор гардид.
Дар мулоқот муносибатҳои дуҷонибаи Тоҷикистон ва Беларус дар самтҳои гуногун мавриди баррасӣ қарор гирифта, ҷонибҳо доир ба мавзӯъҳои дигари байналмилалӣ ва минтақавӣ, аз ҷумла мубориза бар зидди терроризм ва ифротгароӣ табодули назар намуданд.