13 декабри соли 2019 дар шаҳри Рим Конфронси байналмилалӣ “Италия ва Осиёи Марказӣ: таҳкими ҳамдигарфаҳмӣ, ҳамкорӣ ва шарикӣ” баргузор гардид.
Дар чорабинии мазкур ҳайати Ҷумҳурии Тоҷикистон таҳти роҳбарии Вазири корҳои хориҷӣ Сироҷиддин Муҳриддин бо шумули Президенти Академияи илмҳо Фарҳод Раҳимӣ иштирок кард.
Дар суханронии худ Сироҷиддин Муҳриддин роҷеъ ба дурнамои рушди ҳамкориҳои гуногунҷанба дар Осиёи Марказӣ, инчунин имкониятҳои мавҷуда ва зарурати муқовимати муштарак бо хатару чолишҳои муосир дар минтақаи Авросиё изҳори назар намуд.